मृतदेह सापडला

कल्याण: कल्याण रेल्वे स्थानकाबाहेर एका बेवारस बॅगेत डोके नसलेला महिलेचा मृतदेह आढळल्याने परिसरात खळबळ उडाली आहे. दरम्यान, बॅग ठेवून जाणारा आरोपी सीसीटीव्हीमध्ये कैद झाला आहे. या प्रकरणाची महात्मा फुले पोलिस तपास करत आहेत.

महिलेचे धड असलेली ही बॅग कल्याण रेल्वे स्थानकाबाहेर असलेल्या टॅक्सी स्टँडजवळ सापडल्याची माहिती पोलिसांनी दिली. महात्मा फुले पोलिसांनी या प्रकरणी अज्ञात व्यक्तीवर खुनाचा गुन्हा नोंदवला असून, या प्रकरणाचा तपास सुरू केला आहे.

ही बॅग ठेवणारी व्यक्ती स्टेशन परिसरातील सीसीटीव्ही फूटेजमध्ये दिसत आहे. ही बॅग टॅक्सी स्टँडजवळ ठेवताना या व्यक्तीने आपला चेहरा रुमालाने झाकला असल्याचे सीसीटीव्ही फूटेजमध्ये दिसत आहे.